الامبراطور
الادارة
 عدد الرسائل : 87
العمر : 34
مزاجك اليوم : 
المهنة : 
الهواية : 
تاريخ التسجيل : 15/12/2008
 | موضوع: صيحــــات كشفية خذ منها ماشئت  الأحد يناير 04, 2009 5:00 pm | |
| - جمعيتنا المشهورة
جمعيتنا المشهورة أعطت للعالم صورة
مثل العنبر مثل الفل صيتنا بكل المعمورة
| | | |
- جمعيتنا حلوة كتير
جمعيتنا حلوة كتير وأحلى منها ما بيصير
من مفوض لقائد من عريف لشبل صغير
| | | |
- أجيال بتتبع أجيال
أجيال تتبع أجيال شبل وكشاف وجوال
ونحن عنا بالكشاف درس وجد وامتثال
وعنَّا العبادة اليومية صلاة ودعاء وابتهال
وعنَّا طاعة قائدنا هي أهم الأعمال
أما عن حال النظافة ما فيها ولا أهمال
لو بتشوفوا بالكشاف رياضة وفن وشد حبال
| | ||
- كتابنا القرآن
كتابنا القرآن شعارنا الإسلام
- شبل يجري
شبل يجري شبل يجري
وين رايح وين رايح
طالع عالمخيم طالع عالمخيم
نيالو نيالو
| | | |
- نحنا الأشبال
نحنا الأشبال بال بال
منشد حبال بال بال
منطلع جيال بال بال
تنصير رجال جال جال
نحنا الأشبال بال بال
| | | |
- جيت مسكت الميكرو سكوب
جيت مسكت الميكرو سكوب
تفرجيت عالنملة
لقيتا قد الديناصور ما صدقت عيني
يا سبحانك يا الله شو هالدني العجيبة
حدا بيقلك نملة فيها شي مية شغلة (على مهل وبصوت منخفض )
تفرجيت عالفراشة جوانح مثل السجادة
سجادة مش عادية سجادة عجمية (على مهل وبصوت منخفض )
لو بتشوفوا الباراميش زغزغتلي عينية
كِلاَّ قد الفقيسة وما بتهدا ولا شوية (على مهل وبصوت منخفض )
- هيلا هون
هيلا هون هيلا هون هيلا هيلا هون
هالكشفية بقلبي هون هيلا هيلا هون
ما في مثلا بكل الكون هيلا هيلا هون
بالكشفية تعلمنا فنون فنون فنون
هيلا هون هيلا هون هيلا هيلا هون
| | | |
- رح غنيلك نهنهة
رح غنيلك نهنهة كشفية يا ابهة
رح غنيلك أحلى بيوت بيتك يا أحلى البيوت
بحبك لحتالي موت كشفية يا أبهة
| | | |
- قالوا انتوا مين
قالو أنتو مين قالو ليش قاعدين
قلنالن نحنا نحنا الكشافين
نحنا منطلع الجبل وانتو بتنزلوا
نحنا مننصب الخيم وانتو بترحلوا ( هاي )
نحنا مننبسط منفرفش وانتو بتزعلوا ( هاي هاي )
وانتوا بتزعلوا .
| | | |
- هيلا هون
هيلا هوبا هيلا هوبا
هيلا هوبا هيلا هوب
هيلا هيلا حد النهر
ونتشتت فوق المي
اوعا توقع يللا قوم
يللا تحش شوي شوي
هيلا هيلا هيلا هوب
- حلق يا عصفور
حلق حلق يا عصفور
وعلي فوق النجم كتير
وخلي هالشبل الشطور
عجناحك للجنة يطير
| | | |
- هس هس هس
هس هس هس الحرامي عاللس
بيفوت غرفة المونة وخزانة ستو شموني
(بصوت منخفض ) بيفتحها عاللس
هس هس هس وبيفتحها عاللس
هس هس هس وبيفتحها عاللس
فتحها بتلاقي فيها جوز ولوز وتين
جيابوى كلا يعبيها أوعك يامسكين
انشاالله عليك تحس
هس هس هس انشاالله عليك تحس
| | | |
- أنا بدي هيدا الكشاف
أنا بدي هيدا الكشاف يحلى بعيوني ويكبر
هالكشفية ما بتخاف عحدود بلادي بتسهر
مش همي اسمع وعود ولا همي قطف ورود
سمّعني صوت البارود خذني معك عالعسكر
شوفوا الكشفي عالمتراس كبير النفس وعالي الراس
| | | |
- نحنا فرقة مهضومة
نحنا فرقة مهضومة نحنا فرقة طاخ طيخ
منتروق على القمر ومنتغدّى عالمريخ
نحنا فرقة مهضومة
نحنا فرقة طاخ طيخ
منحب اللحمة النية والبطاطا المقلية
والكوسا والباذنجان مناكلها بلا طبيخ
نحنا فرقة مهضومة
نحنا فرقة طاخ طيخ
منوطّي ومنعلي وما فينا ولا علة
منعبي المي بالسلة ومنتلي الدنيا صريخ
نحنا فرقة مهضومة
نحنا فرقة طاخ طيخ
منحب الصلا والصوم ومنحب الركض والعوم
تفرجا علينا تفضل قوم نحنا مثل الصواريخ
نحنا فرقة مهضومة
نحنا فرقة طاخ طيخ
- كان في معركة
كان في معركة (الفرقة ترد خلف القائد ، مع الضرب المستمر على الفخذين )
وين هالمعركة
بقلعة أرنون
يا شباب شو
هجموا … هجمنا
( وتزداد سرعة الإلقاء شيئاً فشيئاً )
| | | |
- جنتلمنن تيكي تيكي تكة
جنتلمنن تيكي تيكي تكة جنتلمنن تاكة
والقائد قاعد ولعان جنتلمنن تاكة
جيبولوا الأطفائية تكي تاكة تيكي تاكة
| | | |
- نحنا من جند الإسلام
نحنا من جند الإسلام نحنا القوة البحرية
عنا زوارق بالبحر وضفادع بشرية
| | | |
- جارنا جبرا
جارنا جبرا فخت دولابو صلحوا بالمستكة
مست مست مستكة صلحوا بالمستكة | |
|
أألخليفيــ،
مراقب
عدد الرسائل : 30
العمر : 32
مزاجك اليوم : 
المهنة :
الهواية :
تاريخ التسجيل : 30/12/2008
| | موضوع: رد: صيحــــات كشفية خذ منها ماشئت السبت يناير 17, 2009 7:39 pm | |
| مشكور اخويـ،،ــ؛؛  على الموضوع الحلو وللهـ، لا يحرمنأأأأ منكــ؛؛ــ، | |
|
