السلام عليكم...
جميع اعضاء هذا المنتدى الجميل ( لحظه يازمن ) مسائكم/صباحكم خير
اتمنى من الله ان تكونوا في تمام الصحه والعافيه
غـفـوة الأحــلام
خلاص ماعد لـك أمـل صدقينـي
الا الخيانـه مالهـا عنـدي مجـال
خذي النصيحه وارحلـي واتركينـي
ماعاد ينفعـك العـذر والأتصـال
ياما نصحتك قلـت لـك أسمعينـي
أمشي عدل وياي يابنـت الحـلال
خنتـي ولا همـك بعـد تخسرينـي
واليوم تبغيـن الوصـل والله محـال
ياللأسف كنتـي غـلاي وحنينـي
حطيت بك كل الأمانـي والآمـال
ماكنت اظن انـك ابـد تخذلينـي
وماكنت اظن انك على القلب تحتال
يافرحـتـي يادنيـتـي ياسنيـنـي
يابهجة اول يوم مـن شهـر شـوال
يانظـرة الحـب المؤبـد بعيـنـي
يادمعة اللقيا عقـب مالبعـد طـال
ياحضنـي الدافـي ولمسـة يدينـي
لا جيت اسولفلك على بعض الاحوال
ياعطـري الفـواح يـا ياسميـنـي
ياغفوة الأحـلام فعيـون الاطفـال
وشلون بسيوفـك كـذا تطعنينـي
وشلون ملتي يوم ذاك الزمـن مـال
وشلون جالـك يالغـلا تجرحينـي
ياليه نارك بالحشـا تشعـل اشعـال
اليـوم بسهـوم الغـدر تذبحينـي
وبكره تجيني تسألينـي عـن الحـال
كانك وصلتينـي لجـل تنشدينـي
أبشـرك طيـب ومتهنـي الـبـال
اكبر خطـأ كنتـي تعيشيـن فينـي
واكبر مصيبه يـوم ذاك الوفـا زال
القلب لجـل الحـب (بوس)يدينـي
عنده أمل في يوم ينحـل الاشكـال
والجرح يصرخ حال بينـك وبينـي
يطلبنـي التوبـه ولايقبـل جـدال
انـا كـذا وانتـي بعـد تعرفينـي
مـال الخيانـه حـل الا الأنفصـال
خلاص ضاع الحـب لاعـد تجينـي
لا تبني فبالـك معـي أي احتمـال
ياجاهلـه فالـحـب لا تحسبيـنـي
ان العيون لخاطـرك دمعهـا سـال
أنـا تركتـك قبـل لا تتركيـنـي
لا عاد تسأل ماانتظر منـك سـؤال
هذا الدليل اليـوم وينـك ووينـي
ضيعتنـا ياجعـل عمـرك للـزوال
آخر طلـب أرجـوك لا تزعجينـي
لأن من غبتي وهـو زايـن الحـال
تقبلوا تقديري واحترامي
الأحد ديسمبر 21, 2008 3:04 am